Minister's welcome in Samoan

E faatalofa faafeiloai atu le www.localcouncils.govt.nz

Ona o au o le Minisita o Malo o Pitonuu (Local Government), ua ou manao ia malamalama lelei tagata lautele e uiga i malo o pitonuu ma ana galuega fai, ma ia matuā faamalosia le auai o tagata lautele i le faiga o filifiliga e fai e malo o pitonuu.

E aafia uma lava tatou i malo o pitonuu i aso taitasi uma o o tatou olaga, ma e tatou te fesoasoani i le atinaeina o se nuu malosi ma le saogalemu. O faagaioiga uma a le malo (council) ua faailoa mai ai, e ova atu i le 3% o le aofaiga o le tala o le tupe faaalu i Niu Sila atoa ua faaaoga i ai.

O le tiute fai a lo outou malo faaitumalo le vaaiga o le nofo soifua lelei o le itumalo ma le faiga o faagaioiga taua lava pei o le puipuiga o le saogalemu, puleaina o faalavelave tutupu faafuasei i le itumalo, auala mo femalagaaiga i laufanua ma le puleaina o fesoasoani.

O le tiute fai a lo outou malo i le aai poo le itumalo le vaaiga o le nofo soifua lelei o le nuu ma lona atinaeina, puleaina o faalavelave faafuasei ma le siosiomaga, auala ma femalagaaiga, mea e faaalu i ai sua mai faleuila (sewerage) ma vai mai timuga, le soifua maloloina mo tagata lautele ma mataupu i le saogalemu, ( e aofia ai le puleaina o le fauina o fale, puleaina o faafiafiaga ma fesoasoani, e aofia ai le fuafuaina o le faaaogaina o fanua ma le puleaina o atinae).

E fai lava le filifiliga a le malo ia mo le lelei o lona nuu, e faavae i luga o le tele o ituaiga eseesega ma o nisi taimi ona o ni tulaga e ese mai ai lava latou – tulaga o laufanua, le faitauaofai o tagata, le maualuga o le tupu/ola o le nuu ma atinae, eseesega o tulaga o le siosiomaga ma le faaaogaina, e na o nisi na o mea ua faaigoa atu. Latou te faia foi faaiuga pe faapefea ona mafai ona latou faaleleia atili lo latou galulue auaumea faatasi.

O le a outou vaaia i le komipiuta (this site), ia faamatalaga e uiga i le tele o mea eseese o loo faia e le malo o pitonuu mo tagata sitiseni uma lava o le atunuu. Ua fuafuaina lenei tulaga ina ia tuuina atu ia outou faamatalaga e fesoasoani ai i le faatulagaina o uiga sa’o e tele atu o faagaioiga a lo outou malo o pitonuu, ma ia lagolago ai faamatalaga e tuuina atu sa’o e lo outou malo ia te outou.

Ou te faamalosi atu i a outou ina ia outou faaaogaina ma galulue ma o outou malo, ona o a latou filifiliga e aafia ai outou faapea ma ola o a outou fanau ma fanau a o outou fanau.